大米復出競賽會贏多鋪

猪拉多纳

阿甲附加賽「自由盃資格賽」決賽次回合，競賽會主場對獨立隊。競賽會首回合贏2比0，今仗佔地利兼有射手「大米」迪亞高米列圖坐完波監復出，實力如虎添翼。反觀獨立隊中場迪亞高洛迪古斯停賽，此消彼長之下，競賽會小讓平半要上盤。

（周一清晨5時15分開賽）

決賽最後贏家可以參加明年南美自由盃，輸方只能出戰南球盃，收入難免少一截。競賽會狀態正值巔峰，首回合作客照贈獨立隊兩蛋，更何況佢哋主場六連勝，包括擊敗聯賽冠軍小保加，狀態托弗勒唔住，相信唔會因為領先兩球而放軟手腳。

至於獨立隊除咗中場迪亞高洛迪古斯停賽，削弱實力之外，佢哋近四次正式賽事作客競賽會僅一和三負，今仗焗攻求收復失地，防線難免空虛，隨時得不償失。
甘拿斯亞悶戰捧半場和

另一場阿甲附甘拿斯亞主場對拉魯斯，屬於「南球盃資格賽」次回合，甘拿斯亞首回合輸0比1，今仗應會主攻博翻身。不過甘拿斯亞近三次主場對拉魯斯都入唔到波，當中兩場悶和0比0，如嫌1.48倍入球細太熱，可揀1.88倍半場和。

（周一早上8時30分開賽）