加利佬首秀華倫鬥志高昂

猪拉多纳

歐聯H組華倫西亞新教練加利尼維利，將首次正式領軍出戰，主場出擊里昂。賽前加利仔大打親民牌，首課帶隊練波，即開放訓練基地畀球迷入場觀操，吸引大批「蝙蝠迷」到場支持打氣，未開波加利仔已贏咗民望。華倫今仗必須贏波及要真特失分，先至可以出線，形勢處於被動，慶幸對手里昂已篤定出局，估計唔會作出頑抗。事實上，無論華倫最終能否出線，加利尼維利都會力爭打響頭炮壯聲威，直取讓球主勝。

（周四凌晨3時45分開賽）