(日)26 多蒙特 vs 法蘭克福 多蒙特抖足炮轟法福

猪拉多纳

德甲尾場多蒙特主場對法蘭克福，預期係一面倒賽事，基於榜首拜仁慕尼黑上輪意外輸畀慕遜加柏，位列次席嘅多蒙特追到只落後5分，爭霸重現曙光，佢哋啱啱喺歐霸盃對PAOK例行公事輸波，一眾主力攻擊手馬高列奧斯、奧巴美揚、米希達利恩同香川真司等只係各踢半場左右，擺明留力呢場。

法蘭克福近況衰到貼地，3連敗之餘上輪仲史上首次喺「黑森州打吡戰」輸波，主場不敵升班球隊達斯泰特，嗰場波仲有3大重心球員中堅森拜奴、右閘馬高盧斯同中場史頓達拿攞滿第5面黃牌，今晚3個一齊停賽，去到西法倫球場聽做炮灰。

（now 670、有線61、64、201及203台周一凌晨零時30分直播）