賠率有路捉：吉利多細W大P捧

纯情小彩迷

    　第六場早飛最熱兩匹係「越跑越有」同「喜綵」好合理，但大熱P居然落喺「吉利多」身上就真係有啲意外，似乎有人信心唔細。睇番隻馬前仗初出跑1400米已經入Q，質素唔簡單。上仗則輸在抽外檔被迫全程望空，同實力無關。既然今日執六檔，1600米亦應該合腳法，再配合埋強勁位置飛，可以細W大P投注。

    　第二場徐雨石初出馬「清新空氣」熱到得廿幾蚊，首次出賽買到咁熱，完全冇把新勝馬「太極至尊」放在眼內。睇番紀錄，原來徐雨石同鄭雨滇合作大熱門好有默契，近三季夥拍十五匹大熱門，取得六冠四亞一季。若果「清新空氣」今日臨場繼續熱透，可以話十拿九穩，唔買WP，都一定係呢場Q膽。

    　騎師王方面，韋達十幾蚊冇肉食，倒不如冷吼潘頓，「勁快」、「怡勝」、「安御」同「易搏贏」上鋪都非勝即位，有十幾倍可以小注玩吓。

周仲