熱拿亞 森多利亞護級「大」過天

猪拉多纳

意甲重開啦！熱拿亞今晚喺意甲主場對森多利亞，2.08倍入球大值得試下。現時兩隊都要搶分護級，玩保守打和對雙方都冇乜好處，最重要係，今季卡斯辛奴竟然喺聯賽食白果，連教練蒙迪拿都頂唔順，公開警告佢下半季要生生性性，相信呢位「過氣壞孩子」抖夠後，會生性幫森多利亞入番多啲波！

（TVB301台周三凌晨3:45直播）
卡斯辛奴要打爭氣波

雖然兩隊連續3次對賽開入球細，但現時熱拿亞只係比倒數第3位嘅費辛隆尼多2分，主場再唔搏命真係好易出事，但由於佢哋有唔少中後場養傷，例如貝迪素同馬查斯都唔踢得，換句話佢哋攻得嚟，又好容易守唔住，意味開入球大嘅機會更加大。

另邊廂嘅森多利亞，排名上都唔係太穩陣，需要喺歇冬後踢爭氣波，當中曾經算係意大利國家隊王牌嘅卡斯辛奴，開季至今連1個聯賽入球都冇，好彩教練蒙迪拿係前鋒出身，肯畀機會佢證明自己，如果卡斯辛奴唔想入雪櫃，真係要幫手開個入球大至得。