紅軍繼續捱細界

猪拉多纳

傷兵成籮 回收小將撐場

英格蘭足總盃第3圈有英超名牌球隊利物浦登場，作客乙組仔埃克塞特，紅軍陣中多達11名一隊球員受傷，領隊高普無兵可用下，日前從低組別球隊召回奧祖、賴恩肯特等小將，估計今場將獲機會上陣。埃克塞特面對強隊料會以守行先，而紅軍派生牯仔上陣亦唔慌多波入，2.25倍嘅細盤值捧。

（周六凌晨3時55分開賽）

英足盃出晒名係爆冷溫床，邊個話乙組仔一定贏唔到利物浦！今場係紅軍「4連客」最後一站，經過英超聖誕新年快車，周中再踢埋英聯盃4強鬥史篤城，球隊一班主力非攰即傷，上場險勝史篤城1比0亦付出代價，菲臘比古天奴同洛夫雲成為最新傷兵，連埋史卡迪爾、佐敦軒達臣、奧歷治等人，利物浦以11名「十字軍」高踞「傷兵榜」一哥。為免再有主力受傷，主帥高普今場應會派出多位小將應戰，日前分別從狼隊同高雲地利召回兩名翼鋒奧祖同賴恩肯特，另外再從阿士東維拉收回22歲中堅泰亞高艾羅尼，而卡路士泰斯拿、班拿根、巴特史密夫呢幾位小將今季都曾獲派喺盃賽上陣，今場亦有望出戰。
埃克塞特守勢波抗衡

紅軍今季攻力已經相當疲弱，今場仲要搵成班生牯仔落場，莫講話想贏，直頭連入波都有困難呀！雖然埃克塞特近4場全敗，不過呢啲低組別球隊越級挑戰英超隊，往往會踢出鬥志，例如阿仙奴今季喺英聯盃都輸過畀錫周三；預料埃克塞特今場會踢守勢波，用體力化、硬淨嘅踢法對抗作客嘅紅軍，今場細盤咪走雞。