拖連奴熱唔透反底撐安玻里

猪拉多纳

今日重心推介場次係意甲拖連奴主場對安玻里，排名較低兼狀態唔掂嘅拖連奴，單靠地利就要讓對手半一咁多，實在過晒火位，加上水位偏高明顯熱唔透，畀晒貼士大家，一於捧安玻里下盤。

（周日晚10時開賽）

莊家開盤時經常出現一種慣性，除非客軍係班霸級勁旅，否則主隊通常都要讓波，今仗就係最佳例子，排第14嘅拖連奴主場對第8嘅安玻里，拖軍要讓半一咁多，睇番佢哋最近3仗輸晒，狀態曳到冇朋友，相反安玻里近5仗4勝1負，只係輸過畀國際米蘭，呢個開盤實在難以理解，肥叔認為莊家過於睇重主場因素，搞到拖連奴要讓波。大家再細心留意，拖軍上盤有2.16倍高水，明顯熱唔透，擺明信心不足喇，因此唔排除之後會轉盤嘅可能性，難得近況唔錯嘅安玻里仲有得受讓半一，呢個下盤值博。
阿特蘭大主場有揸「拿」

同時間仲有阿特蘭大主場對熱拿亞，眾所周知熱拿亞出名地頭蟲，每逢作客立即腳仔軟，撞正都係靠主場搵食嘅阿特蘭大，都係凶多吉少，阿軍小讓平半，上盤捧得過。