里昂大報復強攻PSG

猪拉多纳

阿King今日集中火力講盃賽，重頭戲係法聯盃8強大戰，巴黎聖日耳門（PSG）主場迎戰里昂，雙方今季喺聯賽首度交手，PSG大炒里昂5個1皮，里昂今場梗係想一雪恥辱！里昂炒咗教頭方尼亞後連續2場錄得大勝，今場有力一戰，阿King捧入球大！

（周四凌晨4時開賽）

PSG最近爆發公關災難，一位英國女歌手喺一首關於難民潮嘅歌曲MV入面，着上一位白色PSG波衫，波衫上嘅贊助商由「Fly Emirates」變為「Fly Pirates」，PSG認為此舉損害球會形象，要求女歌手所屬唱片公司停止發布相關片段及相片，結果大批網民力撐該名女歌手，認為PSG嘅指控不合理。呢單嘢就等PSG嘅高層拆掂佢啦，一班球星都係專心對付今場波好過。

PSG上場聯賽早早就入兩球搞掂巴斯蒂亞，所以唔使驚伊巴謙莫域、迪馬利亞等主力今場冇力。里昂喺上年聖誕節搵嚟真尼斯奧接掌帥印，結果里昂喺法足盃同聯賽，分別大勝利摩日7比0同特魯瓦4比1，今場同PSG有得打，捧大盤啱數！
AC半場搞掂卡比

至於意大利盃8強賽事，AC米蘭主場對卡比，AC歇冬後錄得1和1負，盛傳今場再係贏唔到，教練米赫洛域就會被炒，預料米帥會豁去出派強陣一搏，卡比深受降班威脅，無力分身盃賽，AC有望喺半場KO對手，捧半場主勝。最後葡萄牙盃8強，博維斯塔主場鬥波圖，兩軍3日前先對過，波圖喺聯賽作客大勝博維斯塔5比0，波圖可望再下一城，揀讓球客勝。