中國敍利亞「大」龍鳳鬥癲

猪拉多纳

今日U23亞洲盃有場生死戰－中國U23對敍利亞U23，由於兩隊喺A組首仗都輸波，呢場波唔贏即執包袱，肯定會癲鳳鬥狂龍，1.86倍平手盤中國U23值得小注一博，但係點都唔夠2.35倍入球大抵玩。

（now671台周五晚9:30直播）
國奧唔識變陣易失波

呢支中國國奧大軍畀內地媒體視為近年最弱，原因係呢個年齡層嘅青訓做得好差，有人形容今屆嘅中國U23係出嚟還青訓欠債嘅，準備場場賴嘢。但係由佢哋打主辦國卡塔爾場波去睇，班人又唔算太弱，拉勻計同卡塔爾比最多係XX波。中國U23之所以先勝後敗，教頭傅博冇針對性變陣保持領先優勢，應該負上一定責任。今場對住係唔係都進攻嘅敍利亞U23，中國U23如果穩紮穩打，有機會險中求勝，不過傅博到時識唔識變陣好難講，加埋中國大腦徐新坐波監，攻守連繫削弱，兩隊隨時亂鬥亂，瘋狂搏拳，入球大可以博吓。

U23亞洲盃賽制：現為分組賽階段，16支球隊分4組進行分組賽，每組4隊，採單循環制，每組首2名晉級8強。