惡爺西維爾乘勝追擊

猪拉多纳

阿King今晚集中推介西甲賽事，當中對西維爾主場迎戰馬拉加最有信心。西維爾主場戰績向來好好，強如皇馬同巴塞都要俯首稱臣，今晚對手只係中游球隊馬拉加，球隊挾3連勝之勢有望再下一城，博西維爾大炒一場，捧讓球主勝。

（now 632周六晚上11時直播）

西維爾自月初作客輸畀CF格蘭納達後已連贏3場，呢3場波均淨勝對手起碼兩球，狀態明顯返晒嚟。西維爾對上8次喺主場出擊都贏晒，強如皇馬同巴塞都要輸波，可見主場威力甚勁。今仗雖有後衞安迪奧利及巴里查因傷唔踢得，但球隊兵源充足有望再贏一仗。

馬拉加對上4仗取得3勝1和，更贏過榜首嘅馬體會。不過，馬拉加作客所贏嘅對手只係利雲特、華歷簡奴之流，今仗面對前列分子西維爾，加上陣中仍有中場桑卡路士佩雷斯、法維奧費拉拿以及後衞米基爾托利斯繼續養傷，相估難以對主隊構成威脅，阿King估計西維爾今仗起碼贏兩球，一於捧讓球主勝。
無帥貝迪斯難頂潛艇

另一場西甲切爾達主場對利雲特，切爾達上仗聯賽輸畀馬體會實屬非戰之罪，今仗對手只係包尾兼作客3連敗嘅利雲特，相信切爾達有望輕取對手，捧讓球主勝。（now 632周日凌晨1時15分直播）

至於「潛艇」維拉利爾周中西班牙盃雖然輸波出局，但球隊聯賽已連贏6場，今仗主場面對仲未有新帥領軍嘅貝迪斯，都係揀讓球主勝。

（now 632周日凌晨3時30分直播）