馬拉加鐵桶陣細頂巴塞

猪拉多纳

(六)19 馬拉加 vs 巴塞隆拿

今晚西甲早場，「二哥」巴塞作客硬撼馬拉加。周中西盃缺陣嘅美斯同蘇亞雷斯齊齊復出，不過馬拉加擅於「泊大巴」，近5次對巴塞4度開入球細，預計「地上最強」就算贏都會贏得堅辛苦，今場入球大細中位數2.5/3球，不如再追細盤。

(now 632周六晚11時直播)

近期每周周中都有西盃賽事，巴塞咪話唔攰，雖然周中西盃8強首回合2比1擊敗畢爾包之役休息嘅美斯同蘇亞雷斯，今仗能夠復出，同尼馬再合體「MSN」，但西甲主場第一「大巴」馬拉加並非善男信女。馬拉加今季9場聯賽主場賽事只係失咗5球，單計失球數字同榜首馬體會並列聯賽最少，而且近年碰頭都令巴塞陷於苦戰，儘管之前5次交手1勝1和3負，但有4次開入球細，近3次對碰總共只產生2個士哥，包括上季次循環開波冇耐先入波，成功守住1比0嘅勝果，證明馬拉加對付巴塞有啲心得，今仗細盤有2.1倍非常值博。