標準列治發到維

猪拉多纳

比甲近排最有話題性首選域陀華迪斯(VV)加盟標準列治，呢名西班牙門將喺曼聯鬱鬱不得志，要喺比甲證明身價，碰啱上仗標準列治竟然喺主場吞真特3蛋，門將古拿美曉拔孭晒鑊，VV有望今仗代表標列作客奧特海維利正選上陣，為球隊把守最後一關，標準列治客W值捧。

（周日凌晨1時開賽）

標準列治上仗其實踢得幾好，可惜對手真特8次攻門只係4次中龍就製造3個入波，相信教練今仗對奧特海維利會換走門將，改入經驗豐富嘅域陀華迪斯把關，後防穩陣好多，加上奧特海維利實力曳，現時只排聯賽14名，相合標準列治今仗可順利打開勝利之門。
搭查內爾亨克齊W

至於查內爾對梅赫倫，查內爾歇冬後兩戰都失運，尤其上仗作客負安德列治，表現更勝主隊，回師主場面對後防超殘陣嘅梅赫倫可吐烏氣；而亨克主場對哥治，亨克上仗完場前逼和梅赫倫表現甚佳，新援馬利路夫斯基好搶眼，哥治中場大將迪麥斯停賽，作客等劏，揀亨克主W。