過快樂新年搵貝迪斯幫手

猪拉多纳

臨近歲晚，大家都想搵番啲壓歲錢過番個快樂新年，今日重心推介場次係西甲貝迪斯主場對華倫西亞，雖然兩軍狀態都曳到爆炸，但莊家依然開出平手盤，似乎對上周中慘敗受重傷嘅「蝙蝠」甚有戒心，平手盤一於捧番主隊貝迪斯。

（now 632周日晚11時直播）

華倫西亞近況真係曳到冇朋友，上周中西盃4強首回合作客慘吞巴塞隆拿7蛋，雖然肥叔一向唔理軍情，但呢班波咁樣輸法，明顯內部立立亂。
華倫回飛明顯冇信心

查實貝迪斯亦唔好得幾多，近12仗未贏過，當中仲輸咗7場。論實力華倫無疑高啲，不過今場初盤只係開出平手盤，「蝙蝠兵團」亦有逾兩倍嘅高水，睇埋主客和賠率，華倫嘅客Ｗ亦比貝迪斯好分，貝軍衰到咁都受到睇好，呢種情況好唔尋常，睇嚟受到上周中嘅大敗消息影響，令莊家對華倫失去信心，而且佢哋亦出現回飛迹象，肥叔認為依家係痛打落水狗嘅最佳時機，不妨持有貝迪斯嘅平手盤。