獅吼回勇狂轟噴射機

猪拉多纳

今日阿King揀咗3場直播賽事作過關推介，重心放喺下晝開波嘅澳職獨腳戲布里斯班獅吼對紐卡素噴射機。獅吼早前因為少咗幾名出戰U23亞洲盃嘅主力導致戰績下滑，依家陣容恢復完整，主場出擊有力擊敗作客4連敗嘅噴射機，捧讓球主勝。

（有線64及203台周五下午5時直播）

獅吼上月連續3場聯賽不勝，主要原因係占美麥卡倫、班頓波里路及占士當拿治三大主力離隊參加U23亞洲盃影響發揮，依家佢哋已歸隊，獅吼成績立即重上正軌，其中首席射手占美麥卡倫對上兩場聯賽個人入3球，助球隊以3比1、4比0大勝FC悉尼及中岸水手，氣勢強勁。紐卡素噴射機上場以2比1擊敗前列分子墨爾本城，但講到作客已連輸4場兼零入球，想搶分唔易，捧讓球主勝。另外兩關直播場次，西甲希杭主場對華歷簡奴係護級搶分戰，希杭近五場主場攻入13球，攻力不俗，華歷簡奴係現時西甲作客失波最多嘅球隊，捧大啱數

（now 632周六凌晨3時30分直播）。

最後法甲雷恩主場對昂熱，雷恩今季12場主場只得3勝，勝率不足3成，不過昂熱近5場作客輸4場，表現亦唔叻，今仗敲和局。

（TVB 302周六凌晨3時30分直播）