燕豪芬贏面高捧讓球主勝

猪拉多纳

荷甲榜首球隊燕豪芬下周中要踢歐聯16強首回合，但球隊歇冬後狀態甚弗，聯賽錄得6連勝，而且全部贏對手兩球或以上，面對上仗主場慘遭阿爾克馬爾大炒嘅荷華高斯，阿King估計佢哋可以延續佳績，讓球主客和燕豪芬讓一球，梗係捧讓球主勝啦！

（now 672周日凌晨2時45分直播）

燕豪芬現時排喺荷甲榜首，只係以1分領先第2位嘅阿積士，想衞冕聯賽冠軍自然要加多幾錢肉緊。燕豪芬歇冬後6場聯賽贏晒，每場起碼贏對手兩球或以上，由車路士外借加盟嘅中場雲堅基爾，連續兩場有波入，加上今季已射入17球嘅射手盧克迪莊，今仗有望輕鬆喺荷華高斯身上數胡。荷華高斯上半季表現唔錯，目前仍穩守荷甲第3嘅位置，但上仗主場面對阿爾克馬爾竟大敗3比6。荷華高斯近7場作客賽事未贏過，只得3和4負，今仗續有中場施布缺陣，另一中場魯賓高辛斯坐完波監可以上陣，但球隊近況平庸，加上作客戰績曳，今場都係等做炮灰，捧讓球主勝。
阿爾克馬爾川迪讓得起

另一場較早時間開波嘅係阿爾克馬爾主場對格羅寧根，格羅寧根陣中仍有前鋒美蒙馬希、伊斯拉莫域同後衞羅倫素賓列特有傷唔踢得，加上作客戰績麻麻，面對可夫添加上主場四連勝嘅阿爾克馬爾應該冇運行，捧讓球主勝。

（周日凌晨1時30分開賽）

而3連勝嘅川迪有守將史堤芬菲斯卡好番有望披甲，主場出擊面對歇冬後6連敗嘅甘堡爾，應可輕取對手，同樣捧讓球主勝。

（周日凌晨3時45分開賽）