狐狸唔留手上盤嗒得諾

猪拉多纳

英超一哥李斯特城愈戰愈勇，先後擊敗熱刺、利物浦同曼城，上仗作客阿仙奴踢10個力戰至補時先輸波，捱完地獄賽程，依家仲以2分領先倫敦雙雄熱刺與阿仙奴，證明「狐狸」真正具備冠軍質素。今晚李斯特城主場對諾域治，照計3分手到拿來，但主勝1.4倍偏熱，睇番諾域治近4次作客全部淨輸2球或以上，讓球盤李斯特城讓一球，撐上盤。（now 622周六晚11時直播）

李斯特城捱完一輪地獄賽程，餘下實際硬仗集中喺季尾三場，分別係曼聯、愛華頓同車路士，由依家開始，嚟緊9仗都係對中下游球隊，包括今仗諾域治、西布朗、屈福特及紐卡素等，球隊當然希望爭取全勝，右閘丹尼森遜坐完波監復出，防守力加強番，今場贏波唔難。當然「狐狸」贏波全取3分，同我哋投X贏錢，睇法又唔同，主W固然穩陣，求賠率嘅，當然想佢哋贏多幾粒，呢點大家亦唔使擔心。
諾域治近7仗輸6場

對手諾域治近況極頹，聯賽連盃賽近7仗1和6負未贏過，最大打擊係作客阿士東維拉、般尼茅夫等護級對手都捧蛋而回，加上近4仗作客都淨負對手2球或以上，李斯特城炒番場唔難！