賓菲加半場大鬥搶韁

猪拉多纳

唐迪拉射手當弗駁火

今晚仍有唔少賽事舉行，阿King特別留意葡超賓菲加主場對唐迪拉，兩隊實力懸殊，賓菲加主W熱爆得1.04倍，讓球主客和「-2」，入球大細中位數去到3/3.5球，都唔係好選擇，建議揀半場大。事關唐迪拉表現好進取，往往上半場已有波入，中位數1.5球，近7仗有6仗開半場大，值得跟進。

（now 676周二凌晨4時直播）

賓菲加剛進身歐聯8強，士氣肯定激昂，同埋今仗只要贏波，就可以升番榜首，爭勝決心唔需要懷疑，加上主場出擊，勢必搶攻，務求先下手為強，入波唔成問題。最重要係唐迪拉即使實力弱，但並非死守型球隊，而且非常搶韁，近9場聯賽有7場上半場已經取得入球， 包括作客另一支勁旅士砵亭，竟然可以領先上半場。唐迪拉夠膽同對手駁火，皆因前鋒尼敦祖利亞極具質素，呢位巴西兵近8仗射入7球，狀態弗爆，有機會喺賓菲加身上偷到雞。
愛斯賓奴唔赦格蘭納達

西甲方面，CF格蘭納達主場對愛斯賓奴，深受降班威脅嘅CF格蘭納達屋漏偏逢連夜雨，前鋒彭拿蘭達、門將安達斯費南迪斯今場都要停賽。愛斯賓奴有回勇迹象，近4場贏3場，加上過去兩次作客CF格蘭納達，都凱旋而歸，愛斯賓奴今場仲有得受讓，必捧讓球客勝。

（now 632周二凌晨3時30分直播）

德乙凱沙羅頓主場對波琴，凱軍狀態低迷，已經3連敗，中場馬素加奧斯今仗停賽，令球隊雪上加霜。波琴近9場聯賽不敗，球隊要力爭升班資格，戰意有保證，平手盤抵玩。