|
昨朝周五課期，多位大師傅一早到場候命課馬，除了柏寶、韋達兩位前領騎師之外，馬偉昌亦穿梭於霍利時、大摩、告達理幾個倉口之間，忙於為他們試馬，舉動較往日積極得多，周日其坐騎值得仔細研究，或有意外收穫。
列陣第六場四班1400米之「傑出君子」，昨朝由騎者親試兩段，跳來輕描淡寫，腳頭硬朗，火氣旺盛，狀態大勇。試罷，練馬師告達理施施然由烽火台返回沙圈，在隧道口等候人馬歸來密斟，擺明十分重視，值得吼實。
另告廐之「我愛您」則由賴維銘試兩段，馬兒戴上眼罩及頭罩，走來昂首闊步，火氣冒升，馬仔身靚肌肉結實，勇態再上一層樓，跳罷，練者再向賴維銘查詢馬兒反應，今次改由賴維銘再戰1800米，必拼個明白。
大摩馬房頭場之「活力至寶」，昨課亦由馬偉昌考驗，走來沒有脾氣，急躁情況已減，狀態及成熟俱比上次進步。此駒去年十二月尾初次上陣已被捧成大熱，但因在閘廂內發脾氣而被迫退出，今次操好重臨，食頭胡機高。
韋柏 | 
金睛卡
发表于 2010-3-20 07:51
变色卡
显身卡