聖人遇剋星 平手盤要紅軍

猪拉多纳

另一場同時間開波嘅英超由利物浦作客鬥修咸頓，利物浦啱啱喺歐霸盃淘汰曼聯出局，佢哋仲有機會爭入前四踢歐聯，喺近5次對「聖人」4勝1和嘅有利數據支持下，平手盤揀利物浦。

（now 621周日晚9時30分直播）

利物浦自從失落英聯盃冠軍後大打爭氣波，聯賽連盃賽近4場3勝1和，包括喺聯賽擊敗曼城同喺歐霸盃踢走宿敵曼聯，士氣返晒嚟，雖然佢哋有機會憑贏取歐霸盃資格拎到下屆歐聯入場券，但8強抽中對領隊高普嘅舊球會兼奪標熱門之一嘅多蒙特，前路難行，現階段爭聯賽前4似乎仲實際。紅軍少踢一場，前鋒史杜列治已傷愈復出，菲臘比古天奴上場對曼聯射入世界波狀態亦弗，攻力有保證。
修咸頓狀態大不如前

利物浦近年可以講係修咸頓剋星，近5次對賽紅軍取得4勝1和，包括今季喺英聯盃8強作客大勝聖人6比1。修咸頓自從被車路士終止連續6場聯賽不失波走勢，已經連續4場有失波，狀態走下坡，平手盤揀利物浦。