|
呢期係全泥宴賽事，唔知又會爆成點，但經常有啲比較難料嘅賽果出現，好似4/11嗰期泥地夜賽，八場賽事冇一隻大熱門贏到，而實際上得一隻有飛嘅「千杯不醉」勝出，其他好多都係十倍八倍邊線馬。亨利唔係叫大家亂咁博懵，唔冷唔買，但谷草夜馬已經成日搞到頭痕，何況呢啲一季只跑三幾期嘅場合，唔係好有信心的話，明明買開一百蚊嘅，點都應該縮番二三十囉！始終要搏命的機會一季流流長。
沈集成韋達未有着落
既然成晚跑泥地，不如講番季內嘅趨勢先，今季跑了44場泥地，練馬師方面，仍然有六個未有W到手，此為葉、何、告、霍、賀及沈廐，當中只係得沈集成馬房「貫徹始終」，由季頭到依家，攻勢一於「唔泥」，至此在泥地連P都冇！而一眾騎師之中，未有泥地頭馬嘅有五位仁兄，最意外嘅唔使講梗係韋達，佢今季跑咗26場得8個P，仲未打破齋缽，呢次有7駒，又睇吓會點嘞！？
望落今期比較信得過嘅組合可能係李易達搭柏寶，兩匹合作馬「實在好」及「天寶之威」幾牌面吓；前駒在五班長期聲大夾惡（攞咗2W2P），一上番四班則「靜蠅蠅」，睇佢上場四班同程幾乎有P，落班即用阿寶，大有「福龍」的影子。至於後駒就更犀利，邊有可能一再遇到難度而跑得好，近兩場初跑谷草和田泥冇W有Q，唔係大熟係咩呀！？如果今場唔係不利追，以佢上賽咁贏法，呢棚對手邊有得揮！
亨利 | 
金睛卡
发表于 2010-3-24 10:21
变色卡
显身卡