雷勁論戰：贏啲啲出頭在望

纯情小彩迷

　　今晚頭場五班1200米，可以說是一場海軍鬥水兵的賽事，因為全場十二匹參戰馬當中，在此程有過表現的馬僅三、四駒而已，但這幾駒實力亦有限，本來「智勝寶」與「泰寶馬」班底較高，應該有較高取勝機會，可惜兩駒年齡漸長，實力亦有點退化，相信最多只得爭位機會。

　　另外兩匹實力馬「實在好」、「祝福滿滿」近期表現亦平平，最重要是兩駒均要負重磅上陣，跑泥地賽較為吃虧，縱有實力亦以位望較濃。既然上述幾匹在泥地有過好成績之馬均各有缺點，若然要選馬膽，不妨向一些泥地性能未明之馬身上打主意。

試泥閘有好走勢

　　今場首要留意之馬是梁定華馬房的「贏啲啲」，季內演出頗準繩，五戰從未失過獎金，屬於少有的五班忠心馬。雖然此駒以往未跑過泥地，但都爾則認為此駒必可應付泥地賽，近期在泥地試過大細閘均有不俗走勢，足證適應能力冇問題。

　　上仗「贏啲啲」在谷草一哩跑第五後，唞足兩個月才在今仗復出，體力必定充沛，今次轉跑泥地賽對手非強，排四檔起步估計易找遮擋，只要留力待末段才展開衝刺，以其強勁的追趕力，應可壓倒對手取勝，贏得在港首場頭馬。

　　另外，文家良馬房亦有搏殺消息傳出，出爭第二場四班1200米的「馬皇帝」，季內只跑過兩仗，首戰即在泥地同程追入一席第四名，而當時的牠根本狀態未足，能有此走勢證明場地性能甚佳。

　　上仗文家良安排「馬皇帝」轉爭田草1400米，全程跟跑而回，只是寓賽於操而已。拼後小休近兩個月，三歲馬更趨成熟，近期交由柏寶一手操練，進度理想，今次回師泥地賽應是其所長，同場對手大多似是而非，應有爭雄之力，值得留意。