阿根廷捱細界

猪拉多纳

出線現危機 新帥冇料

聽朝世盃外南美洲區重頭戲，由阿根廷主場硬撼哥倫比亞。阿根廷處於最危險時期，想取得前4嘅直接出線席位不容再失，上輪恥辱吞死敵巴西3蛋，班球員未回魂話咁快再遇強敵，必定不敢冒進，而且佢哋今屆5仗世盃外主場均少交收，「潘帕斯雄鷹」擺明穩中求勝，唔慌多波入，中位數2.5球嘅細盤有1.72倍值博。

（周三早上7時30分開賽）
J神變雪條哥倫比亞啞火

阿根廷陣容向來星光熠熠，不過以美斯為首嘅一班球星總係各自為戰。上仗世盃外作客死敵巴西慘敗0比3，陷入球隊史上新低潮。依家阿根廷於小組只係排第6位，好在同「4哥」厄瓜多爾只差1分，想取得前4位直接出線決賽周嘅入場券，係時候振作。但新帥巴烏薩冇乜料到，接手後僅獲1勝2和2負劣績，加上剛經歷慘敗後仲未回魂，即遇上「3哥」哥倫比亞，今仗贏唔到都唔想再輸，以免畀其他競爭對手拋離，相信必先加強防務。

哥倫比亞一向靠中場指揮官占士洛迪古斯搵食，可惜「J神」今季喺皇馬長坐冷板變「雪條」，狀態及信心都嚴重不足，前線拍檔卡路士巴卡近況亦麻麻，導致哥軍進攻「啞火」，上輪主場對智利全場佔盡上風都只能打和0比0。阿根廷主場出擊分外保守，今屆世盃外5仗主場嘅總入球都少過3球，今仗頂多小勝格，主勝得1.38倍咁奀，轉捧中位數2.5球嘅細盤好過。