阿仙奴讓球和啱數

猪拉多纳

雙翼齊跛無力進宮

元旦日深夜英超上演倫敦打吡，阿仙奴主場迎戰水晶宮。阿仙奴近6次對水晶宮取得5勝1和絕對優勢，主場出擊勝算甚高，不過阿仙奴上仗幾經辛苦先險勝西布朗，加上水晶宮喺新領隊艾拿戴斯帶領下表現有起色，預計要留力應付餘下快車秩序嘅阿仙奴只求3分唔望大勝，不妨捧阿仙奴小勝1球開3.65倍讓球和。

（Now 621及LeSports HK應用程式周一凌晨零時直播）

阿仙奴早前接連不敵愛華頓同曼城，上仗主場對西布朗信心明顯受影響，阿歷斯山齊士、奧斯爾等雖奮力作戰，但最終要靠基奧特完場前4分鐘頂入唯一入球先至險勝1比0，進攻板斧唔多，面對主守球隊欠缺大勝本錢，而且領隊雲格證實禾確特同阿歷士張伯倫因傷缺陣，冇咗兩隻快翼，要破密集難度更高。
快車期要留放贏即收

阿仙奴踢完今仗後，相隔2日就要南征客場出戰般尼茅夫，今仗當然唔會立亂浪費氣力，只要贏波已經完成任務，絕對唔會奢求大勝。雖然梅斯達菲同韋碧克已經傷愈復操，但久休之下狀態不足，阿仙奴若果領先可能會派呢班傷兵練吓，估計入波都係一球起、兩球止。
水晶宮易帥加強防守

翻查數據，阿仙奴近6次喺打吡戰對水晶宮取得5勝1和不敗成績，整體實力確高於對手，不過阿仙奴最近3次贏波只以1球差距獲勝，其餘3次交手總入球亦喺2球或以下，戰況未算一面倒。水晶宮新帥艾拿戴斯上仗首次領軍，球員戰意明顯提升，最終被屈福特逼和1比1有啲唔抵。吸取上仗教訓，預計穩陣派大師艾拿戴斯更會加強防守，以阿仙奴近期鋒線演出難望大捷，主Ｗ太熱無肉食，不如轉捧讓球和更划算。