洪禮賢講馬：自家威穩陣

魑魅魍魉

　　第6場三班1200米。「自家威」（圖）置身一組水準唔高的場合，不論級數和賽績穩定性俱勝一籌，當然，目前佢都唔係好多虛分在手，之但係，季內賽績又唔可以唔尊重，假假哋9場裏面，7次入前四名，陣上的使命感可知；總之，今次賽前有充足休息期，工序亦對辦，而排檔唔係曳，整體條件Ｏ喎，膽材。

　　第7場二班1200米。「大智慧」情況與前駒差唔多，而佢更可以話係進階版，幾乎跑親田泥1200米冇Ｗ有Ｑ，唯一跑得唔好嗰場，係因為出閘慢咗兼沿途三叠，基本上發揮到該有水平，唔係一般對手可以啃得佢落；呢次2檔起步夾到跑法，同場冇咩馬同佢一齊放，仲可能食埋形勢，應該穩入前列。