高清睇跑馬：大智慧檔佳放到

魑魅魍魉

　　今季總場次479田泥四班1200米，「寶貝」出閘算快，可惜推騎下加速力一般，故此黎海榮無奈留後，而且未能切入內叠，一直被頂在三叠兼冇遮擋﹔除沿途蝕位外，入直路時仍落後放頭馬一段距離，原以為很快腳軟，但想不到最後一百米，馬匹在黎海榮打鞭下愈衝愈勁，最終力壓「實業輝煌」頸位險勝。

　　再看「寶貝」跑出一分九秒五，締速已算出色，事關今季於四班同程，贏馬時間較牠快的「一定快」、「自家威」及「中華英雄」，前兩駒之後已在三班賽贏馬或入位，可見「寶貝」續跑四班泥地1200米，有力先拔頭籌。

　　今季總場次483田泥三班1200米，「大智慧」排十二檔出閘最快，推騎兩步反應亦好，但早段仍要走蝕位，直至八百米切入二叠，拍住領放的「自家威」居前，但馬匹中段搶口，勞愛德緊韁抽實留力鬥後勁，結果吊住此駒來跑的「光輝出擊」，入彎前柏寶即開始推騎，入直路不久便趕過「大智慧」，之後兩駒拍住內欄的「自家威」展開激鬥，然而「光輝出擊」已佔先機，縱使勞愛德如何努力，「大智慧」仍只跑第二。今次此駒排二檔好跑得多，有力在勞愛德胯下放到。

Sam