馮諾嘉手記：軍策令磅輕有著數

魑魅魍魉

　　剛戰泥地夜馬，多場賽事形勢都頗為混亂，預期有機會連場爆冷，結果賽果亦唔易估，尾場更爆出大冷，四百幾蚊W，條Q有成四千幾蚊，冷味甚濃。小妹身邊唔少朋友都已卻步，跑過頭幾場，早已沒有意欲投注，但有位朋友跑畢尾場即刻打黎訴苦，原來六環彩六寶獎叫胡去到尾場，條Q咁冷，當然連安慰獎都中唔到，如今六寶獎冇人中，假如真係畀佢中左，最少幾十萬落袋，難怪佢今早返工沒精打采，死氣沉沉，不過呢位朋友經常有賭馬運，再接再厲吧！

　　明日又有十場賽事，七場三班1000米，呢場多匹近仗表現好馬均抽外檔，形勢更理想，好似「軍策令」，雖然上場谷草1200米落敗，但由於抽十二檔起步，沿途走外叠，跑第五算叻，早前兩場直路賽獲冠亞各一，先大勝兩個馬位，翌仗只係以頸位輸畀「萬事佳」，後駒再出再臝，證明「軍策令」實力唔簡單。「萬事佳」今場亦有份角逐，但今場兩駒負磅有距離，「軍策令」少負十二磅，有權反勝對手，用佢做膽拖番「萬事佳」。「賞蝦王」連場谷草1200米獲亞，未能打開勝利之門，但本身狀態好當然要拖。兩匹新馬「至尊飛飛」同「如日方中」早前試閘走勢甚佳，有賠率的話，不妨搏冷，四連環要拖。

　　第八場本地三級賽2400米皇太后盃，用上屆盟主「好先生」做膽，長力有根據，且評分最高，實力勝一籌，配腳拖打比預賽冠軍「至勇威龍」、柏寶唔放手既「首飾奇寶」、同埋上屆此盃亞軍「喜威寶」。四連環揀多一匹冷馬「家家興旺」。