同心威駿捲土重來

博彩老头

苗禮德與馬偉昌這個南非組合，近期搏殺得心應手，繼「朝東飛駒」後又憑「電訊巨星」合作贏馬，而騎者上次快活谷更連中三元，並壓倒柏寶登上騎師王。今次谷草八場賽事，苗廐三匹正選馬將悉數交由馬偉昌執韁，其中「同心威駿」季內在他胯下取得兩捷，有力收復上賽之失。
  
同心威駿季內兩勝谷1000米，姿態俱輕鬆。





今季轉投苗廐後表現神勇的「同心威駿」，兩勝谷中一千米，今次續爭同程，苗禮德充滿信心說：「此駒來投初期，腳部有過毛病，問題頗為嚴重，現在經已痊愈。此駒今季於谷草一千米表現尤其突出，兩度取勝，上仗未能取得三連捷，主要因為慢閘，加上沿途被迫走第四疊，形勢極之不利，結果得第六輸兩個多馬位，表現未算太差，只要今仗出閘順利，以其速度及實力可望重叩勝門。」
  
苗禮德昨晨緊張秒秒領先


至於另一匹季內兩捷馬「秒秒領先」，最近三仗取得兩勝一位佳績，今場繼續出爭贏馬路程谷草千二，練者說：「『秒秒領先』今季在五班兩捷表現令我滿意。此駒目前五班作賽仍然有優勢，加上賽後我曾讓牠稍作休息，其狀態得以保持，我認為今場取勝關鍵在於檔位，希望到時能抽到一個好檔位，以助牠再於五班立功。」
  



值得一提，昨晨「秒秒領先」出試前苗禮德在機坪睇到實，狀甚肉緊，鬥志盡在不言中。