局內人：朝東精英操好即食

魑魅魍魉

　　今晚苗廐出馬不多，但馬房睇好「秒秒領先」及「朝東精英」（圖），前駒正值大熟，最近兩勝後狀態保持大勇，路程正宗，把握機會盡拼，希望可以再添頭馬進帳。「朝東精英」來頭不小，雖然是初次上陣，但操好才跑，排好位，路合配強，有力一出即勝。

　　文家良馬房今晚則有大手惡馬在陣，馬房中人指出，「再來風」、「駕馭」、「新薪」及「勝利雄威」均有良好狀態，皆交由柏寶執韁，戰意明朗，運氣好一點的話，可能會有兩至三場頭馬見面。

　　馬房中人透露，文廐多匹實力馬中，最要留意的是第四場「駕馭」，此駒實力不弱，上仗力拼爭入第二，走勢不俗，拼後立即復課再磨，狀態起得更靚，今次特聘柏寶壓陣，戰鬥力更強，爭勝機會最大。

　　尾場「勝利雄威」勝後狀態保持甚佳，今次回升三班作賽，雖然要面對較強對手，但負磅減輕了十三磅之多，更為有利，此駒是谷戰好手，跑一哩更是其所長，柏寶不放手，看來仍有極大取勝機會，其班底高，回到三班實力亦足夠，有機會再下一城。

　　呂健威馬房方面，則謂第六場「輕輕鬆鬆」最具爭勝機會，上仗初出只得幾成狀態，亦能放回一席第二，可知實力不弱，今番操好重來，最後試跑朝加戴眼罩出試，柏寶試後亦認為效果理想，必有幫助，「輕輕鬆鬆」今番試準而來，勝望甚濃。

梁杰