輝哥騷料超晒班

魑魅魍魉

練馬師姚本輝雖與並肩作戰多年的副練黃守峰分道揚鑣，但堂堂大倉「冇話冇咗邊個唔得」，反正分手乃彼此深思熟慮後作出之決定，姚廐運作未受有關事件影響，依然一切正常。旗下今季新馬「超晒班」上賽初出即於直路賽入Q，早熟分子有一定質素，輝哥錫住用，讓兩歲馬抖近三個月始再出賽。
       
超晒班

「超晒班」埋門例課無缺，昨晨出試亦見神色活躍，進度令人滿意，輝哥此朝夾準時間，踩住單車在機坪入口處接馬，以第一時間向鞍上人了解「超晒班」操練表現，周日強配柏寶，鬥志更加毋庸置疑。