至趣馳騁：潘頓揀啱小橋流水贏錢

魑魅魍魉

尋日頭場四班一千米直路賽，姚本輝訓練嘅初出馬「錢照贏」早排試大閘贏五個幾馬位返嚟，一出就捧到兩倍大熱。但唔知點解，嗰日試呢隻子彈快馬嘅潘頓，反而揀咗另一隻初出馬「小橋流水」，結果證明呢個澳洲好手冇揀錯馬，事關抽一檔衰位嘅「小橋流水」彈開「錢照贏」兩個幾馬位掄元，絕對係一鳴驚人。
       
高金沛：詩意馬名真神奇

見到愛駒初出即贏，馬主高金沛梗係好開心啦，佢仲話點解幫隻馬改個名做「小橋流水」，係因為覺得之前帶點詩情畫意嘅馬名成績都唔錯，就有樣學樣改番呢類馬名，結果真係有效，認真神奇。