洪禮賢講馬：應變計劃掂

魑魅魍魉

　　第六場三班1000米。「應變計劃」（圖）季中1W嘅前後，都冇1場跑到入三甲，整體表現與上季相比，完全係大倒退，但要知道，今季起步分唔係冇壓力，加上本身跑法又唔係好彈性，未能成為三甲常客唔奇。而今次落番三班，情況又完全唔同晒，有運排3 檔，對於鍾意守好位嘅佢嚟講真係夾晒，話唔定今場借助有利條件又跑番好。

　　第七場三班1650米。「易搏贏」姑勿論剛仗係咪告甩，陣上所見，本身應有的後勁又出現番晒，證明2月在同程狂追「開心歡樂」唔係霎眼嬌賽績。贏完隔1日即再報名，出得咁急，而柏寶又肯騎上去，冇理由肯孭鑊，正常思維估計，都係想趁勇再搏。