大告教騎愛拚者勝

魑魅魍魉

告廐「愛拚者勝」剛戰轉倉即贏對手逾四乘，表現脫胎換骨，今仗轉攻泥地兼換上何澤堯主轡，看似增添唔少變數，實際上馬匹有分在手又獲減十磅，相對可以抵銷番不利因素。昨晨此駒首次由騎者過檔仄準，狀態全面提升，大告亦盡顯緊張動態，在烽火台督操完畢便順勢往機坪接馬，聽完騎者匯報後仲未夠喉，更即時手舞足蹈仿騎馬動作，當然係指導緊呢位後輩鞍上功夫矣，即管睇吓堯仔吸收到幾多？