邦理揀馬：勝利雄威穩補中

魑魅魍魉

　　第三場四班1200米，「京城孖寶」上季於四班兩捷後評分見頂，今季連輸博減分可理解，但上仗在田草1200米追回一席第五，看來狀態已回起，今戰終重返強項谷草短途，而評分亦較上季最後一次贏馬時低十二分，雖排七檔但內側快馬不多，有機會搶埋欄先走，負輕磅可作半冷膽。

　　「贏馬組合」季內曾於四班同程贏馬，轉馬房多跑後狀態復甦，排九檔可順勢跟「京城孖寶」切入內叠守好位，回師四班賽可爭。「贏啲啲」季內十戰全有獎金，對上五仗更取得三勝兩位，此類馬往往愈贏愈好分，大勇大熟的五歲馬要尊重。「勇蹄飛」雖從未於谷草上名，但當中大多跑嫌短的1000米，這次有內檔及柏寶之助，不妨作配。

　　第四場三班1650米，「勝利雄威」四月復出並於短途熱身一仗後，前仗於谷草一哩即輕勝而回，同場亞季軍其後均再贏，可見屬強組賽頭馬﹔上仗回升三班，如非末段取位欠順暢，看追勢應能連捷，所謂「季中曾小休、體力會佔優」，既然轉馬房後已被養回，備戰積極有力補中。

搏得威盡地一煲

　　「搏得威」上仗跟「勝利雄威」同場角逐，全程走二叠得第四，表現絕對不失禮，十歲老馬必無保留，起用馬房愛將都爾，顯然有盡地一煲之意，排內檔要防。「超勁精神」於谷草表現穩定，季內未交代之馬鬥志無疑，於A跑道作賽亦更合這匹後上馬追趕，梁家俊鬥後勁不比蔡明紹差，換騎師也可帶來新鮮感要拖。「金剛驃」上仗初跑同程即接近，配搭加強可拖一票。

Wyson