賠率有路捉：太平洋信心爆棚

魑魅魍魉

　　第四場「太平洋」上季四捷後，連續十三場都三甲不入，而且場場幾十倍冷門，十歲馬明顯用盡晒，不過噚日早飛卻熱得離奇，W只得75蚊，P更加係16蚊大熱，好似可以變身咁款。其實胡森肯保留呢隻十歲老馬，肯定有殺着，而今日落五班就更加係黃金機會，因為隻馬最近兩次跑五班都順利得手，底質明顯超五班，既然有早飛配合，應該信得過。

　　第七場「金鑽龍華」近仗演出平平，上周日跑泥地仲係60倍，噚日早飛83蚊W已經好突然，位置更係16蚊次熱，好明顯唔係普羅馬迷買落去，有人極之睇好呢匹華廐馬可以變身。睇番隻馬早前一場直路賽只不敵「萬事佳」同「軍策令」跑第三，水準極高，若然交出得呢場水準，絕對有資格爆半冷。

　　騎師王方面，既然鍾意韋達隻「太平洋」，加上仲有「馬皇帝」、「金獅猛將」、「盈彩繽紛」等幾匹實力馬，有廿幾蚊諗得過。

周仲