洪禮賢講馬：明燈放光芒

魑魅魍魉

　　第十場三班1400米。「闊袍大袖」初出入Ｐ一樣畀小組問跑法，翌仗再跑同程，雖然名次落後，演出卻不差，拉士繼續有衝勢。而佢在外地贏馬在1600米，所以，上賽前其實已擔心再跑短途或會追唔切；終於在第三回合，肯轉到1400米，又嘗試加配件，兩項轉變都可能會好，苟如是，成績隨時大躍進。

　　第十一場二班1200米。「明燈」（圖）回氣兩場後，上場輸條頸畀「驍將王」，都冇得好講，一來，頭馬沿途一步冇蝕，二來，「明燈」出閘後冇耐，一直處於外側三四叠，單係所蝕的腳程與體力，我想，應該夠贏番「驍將王」半個身位有多；重新駁纜後，今場再跑此程，唔係冇補中機會。