高清睇跑馬：飛躍之鋒增程掂

魑魅魍魉

　　二檔選擇留前鬥後，然而落腳太慢，普萊西也要推騎才跟到步速，去到中段更進佔第八、九位，由於外檔困守二叠，入直路後唯有在內檔等位衝刺，可惜前邊重重圍困，根本無法望空，直至二百米才可移出外檔，亦因為遲遲未能踏順步韻，故此拉士一百米先可撻着後勁，結果一樣追入亞軍，並造出全場最快末段締速。由於上仗遲遲才能加速，明日增程角逐1400米，更合牠後上爭勝，超級馬開齋機高。

　　另外，今季總場次690四班田草2000米，「長春樹」出閘唔快失了先機，之後立即跟返前列，但被迫外叠競跑，而且步速實在太慢，牠早段跑來十分搶口。所以一千米處，卓利選擇發力跟前，三扒兩撥進佔第二位，走在二叠跟住領放之「巴圖魯」。可惜前早段浪費太多腳程，人馬角力下也消耗不少體能。

　　「長春樹」最後四百米加速欠佳，未能交出強橫後勁，只能維持本身速度拼入第四名。其實此賽乃牠初次角逐2000米，有此表現絕對合格有餘，加上氣量未養成，又為免搶口，明日回師1800米會合適，名次可望提升。

Sam