穩陣派：攞贈品 睇好戲

魑魅魍魉

　　今日沙田馬場內節目豐富，仲有紀念筆一枝同即擦即獎遊戲卡一張送畀入場人士，對於非標準馬迷嘅穩陣派嚟講，呢啲免費着數當然唔可以錯過，攞完贈品仲可以睇埋場內助興節目，包括翡翠明珠群星耀馬場、一年一度嘅冠軍人馬獎頒獎典禮，四位人氣偶像蔡卓妍、林峯、容祖兒及王祖藍，尾場後將喺草地跑道獻唱兼傾力演出，跟住仲會加入騎師壓軸巡遊，同觀眾近距離見面。啤酒雪糕則有買一送一優惠。