資料尋寶：梁定華大熱穩陣

魑魅魍魉

　　【本報資料】梁定華今季勝出十八場頭馬，成績平平無奇，加上旗下馬經常轉換路程上陣，似乎難以捉摸，但其實上季梁定華乃大熱保衛者，九匹大熱門共得三冠兩亞三季，只得「回鄉精神」跑第六，勝出率達三成三，上名率更接近九成，絕對叫人驚喜。

　　根據資料顯示，該批華廐大熱上名馬中，「開心財星」在九及十月用梁明偉主轡， 但也被捧成4.7 及3.4倍，最終於1400米取得WP各一，可見馬房信心之強。

　　「開心財星」下季踏入八歲，相信幕後又會照辦煮碗，於季初階段，趁部分質新馬狀態未起得十足時出擊。

　　至於「馬霸龍」季尾開始成熟，在三及四月以大熱身分取得兩席季軍，並於五月尾跑谷草1800米落第後便提早唞暑，相信是馬房留以有待，下季臨場若有強勁飛數支持，絕對不能掉以輕心。

贏啲啲再闖高峰

　　此外，「贏啲啲」上季兩度取勝時，賠率皆熱到透，可見有人自視極高，承接季尾連續七戰非勝即位之勁勢，下季應有力再闖高峰，若然有飛更要看高一線。

　　而「八發八中」季尾捧成大熱角逐泥地一哩，可惜被「勁快」走甩只得第二，既然這匹06/07梁定華賽馬團體馬已適應水土，下季居四班必有頭馬見面。