洪禮賢講馬 YIN''''''''S TALK：路程專家可愛

猪拉多纳

　　路程專家之所以值錢和可愛，好大程度係佢哋忠心，就算狀態不足，得八九成都同你跑十足，明明排檔唔好，又或者弱配上陣，仍會自動自覺克服到，全因用路程性能搭夠。反之，好些賽駒本身忠心程度已唔夠，演出好飄忽，你仲要佢克服埋外來負面因素，的確比登天更難，去到尾幻想破滅，又係我們承擔金錢上的損失。

　　點解會話路程專家可愛，舉個例證，谷草1200米霸主「八運寶」，轉到葉廐之後，跨季在該項路程攞了7W，縱使排11及12檔都難佢唔到。同時，自從今季贏完第2Ｗ後，佢跑其他路完全不合（正確說法應該係差劣），雖則那幾場田草為高水準賽事，但馬兒縱有靈性，問題係佢自己唔知同咩馬跑緊，理得你同場係「鳥語花香」定係「締造美麗」，但結果係一場又一場跑得唔好，陣上內閃有之，有時連速度都冇埋，故此，佢嘅可愛之處就係性能夠簡單，我哋對佢喺其他路程唔會有幻想。

盲門路程可不理

　　而值錢嘅地方亦喺呢度，既然唔會對佢哋有任何幻想，「八運寶」跑田草直路賽，抑或跑田草1400米，基本上我們可當佢透明，而呢點絕無貶意，出發點係慳注而已，試諗吓，如果一場賽事，隻隻馬嘅性能都比較廣泛，即係應該得，除非唔得之時，要兼顧嘅馬多了（撇開狀態和其他考慮條件），無形中注數便會增多，令成本及風險直接提高，對投注者而言，並唔係好事噃！

洪禮賢　馬會賽馬節目主持