葉楚航獨接萬里駒

猪拉多纳

馬季剛完成第三次賽事，廿四個倉口只有三分一未開齋，而葉楚航明晚遣八駒渡江參戰，並且號召韋達同柏寶兩位強手助陣，睇嚟唔只想開齋咁簡單。
       
萬里駒

昨晨最後試跑朝航哥為有程馬督操工作馬不停蹄，由五點忙到八點，不停來回烽火台與隧道底，唯獨六時半「萬里駒」由韋達砥礪時，廐主航哥不但在隧道口親自恭迎人馬出大圈，課罷更全朝首度走到機坪接馬，練者繼而與韋達就地商量大計，「萬里駒」今勻落三班跑曾三捷的谷草千二，擺明有晒部署！