馬場紅綠燈

魑魅魍魉

多多昇可施冷箭

　　全晚唯一盃賽為香港管理專業協會金禧盃，編於第五場跑三班1000米，同場前領馬多，預計前段步速快隨時互相「燒」乾，計落要揀後勁馬；苗廐「多多昇」同程一戰入Q，以往又試過一出即上名，可見不能因排十一檔就睇小佢，成冷勿忘！

健少

旺國手縮程要吼

　　方嘉柏剛戰冇馬贏，不過今晚出十駒，睇陣容絕不似陪跑，其中尾場更三路興兵，估計當中必有王者。計路程性能，「旺國手」跑一哩似乎最不合，但跑馬向來並非一加一，何況此駒向來有後勁，趁住季初有新鮮感，隨時憑一條直路掃晒。

阿光

海王子檔佳W得

　　第七場實力馬「萬里駒」、「一路奇兵」及「祥勝愛駒」均排中外檔，宜博隔晚有飛的「海王子」。牠過往1400米最醒，但上季尾大摩立心幫佢轉型，結果於兩場1200米入Q，證明跑短途賽一樣得。今戰難得抽四檔有利，係時候重開勝門。

王其