數據人生：苗禮德行緊「好運」

港陌

　　苗禮德馬房於開鑼日未有派馬參戰，但之後四個賽日合共出馬十六次，居然取得四冠兩亞兩季，上名率達半之餘，剛戰的「精英財星」更在閘前票如雨下得手，可見目前手風正順；周四谷草日賽此廐有四駒列正選，到底能否連續四個賽日交出頭馬？

　　今次苗禮德替「好運得福」及「有錢途」出王牌報名，相信應是搏殺主力，其中前駒隸屬前馬會主席陳祖澤名下，練者自然會加多兩錢肉緊，值得優先留意。此駒上季首度上陣，首五仗均安排跑沙田賽事，當中四次為70倍以上大冷，便知純粹是熱身性質，但卻曾在1600米交出接近走勢，證明本身應有一定質素。之後增程上陣即有不同演出，先後於田草及谷草1800 米取得一冠兩亞， 尤其兩戰谷草非冠即表），證明窄場性能出色。

　　今戰牠季內初出即報爭賽事，未熱身下跑1650米正是合理部署，同場有「再來旺財」這匹前領馬列陣，預計早段步速應不會慢，形勢應合憑後勁食胡的「好運得福」發揮；記得上季前駒贏馬一役，亞軍乃「再來旺財」同主馬「好旺財」，且看這對馬主能否再次串Q而回？

歐陽志恆