鄭俊偉文家良贏埋

魑魅魍魉

兩位上季成績標青的練馬師鄭俊偉及文家良，今季表現皆頗為慢熱，不過隨着戰馬狀態開始納入正軌，昨日齊齊開齋，鄭俊偉先以「分秒必爭」爆冷食頭胡，文家良則憑「真係寶」贏得馬房季內首捷。隨着兩人打開勝利之門，現役廿四廐目前就只剩低蘇保羅尚未贏馬，看來真要加把勁了！
       
分秒必爭爆冷得手，鄭俊偉認為是評分太低之故。

鄭俊偉昨午出馬陣容甚強，頭場即憑「分秒必爭」報捷，爆出十五倍冷門。練者表示對此駒勝出並不感到意外，他解釋說：「『分秒必爭』居五班甚具分量，可惜之前欠運較少勝出頭馬，評分輾轉跌到廿四分，變得相當有利，剛戰踏中前駒後蹄受阻，未能爭勝，幸而今仗沿途走勢暢順，得以險勝對手，完全是拜評分有利所致。」
       
真係寶養回健康終打開勝門，不枉主理人一番苦心。
真係寶報捷賀文太

昨日是文家良太太生日，練者把握時機開齋兼為太座賀壽，可謂雙喜臨門。「真係寶」來港初期曾躋身高班，如今已落到四班水平，終於打開勝利之門，馬主林立峰認為文家良功不可沒。他說：「『真係寶』其實質素唔錯，奈何健康情況一般，去年暑假更試過絞腸痧，令我們一度萌生退役念頭，幸而文家良落足心機，養番好之餘今（昨）日更勝出，值得讚賞，希望健康回復可以再有頭馬見面。」
       

斯人獨憔悴的蘇保羅，昨賽前季內只出馬六匹次，最叻不過跑第八，昨午雖仍未獲勝，起碼有「飛躍之鋒」拚入季軍，今季首次上名，相信稍後加強攻勢，仍不致太悲觀。