借題發揮：今季騎師王冇冧莊 韋達機會似層層

魑魅魍魉

　　賽馬係一種娛樂， 如果你係玩一百幾十蚊嘅人，又或者「豪」得起，就可以咁講。但好多馬友都係拼命三郎上身，期期搏老命，佢地唔去理會練馬師點樣精心部署去贏一隻馬，又會欣賞一眾騎師嘅英姿！最關心同埋最緊張，就係買咗落去中到就得，所以，對佢哋嚟講，完全係一場賭博。
　　
　　賭呢家嘢，的確係偏偏哋，唔可以唔信邪，譬如今季嘅騎師王，跑咗7期，冇1位騎師可以打叠贏兩期，韋達又好，柏寶又點啫，總之啱啱嗰期贏完，跟住一定冇運行。所以，唔信命都要信鏡，如果今期買騎師王，點都要避一避白德民，明知山有虎是也！
　　
　　望落韋達坐騎都得得哋，雖然冇好似柏寶咁，有馬王級坐騎，但勝在夠平均，兼得蔡神仙照住，點睇都唔似孭鑊格。嗱，「活力奔騰」、「好旺寶」、「勁高手」，隻隻要近績有近績，路程又啱，應該冇咩可能攞唔到十幾廿分，好彩嘅話，上望30分𠻹！仲有outside chance嘅「南陽望族」及「一路奇兵」，自己數數吓，覺得真係似層層。　

Jack