高清睇跑馬：包裝好友唔簡單

猪拉多纳

　　「包裝好友」今季較遲開操，八月中才復課，賽前快跳只有五課，甚至有四課只操一段，準備欠積極，因此，上仗總場次36谷草三班1650米，亦有十三倍好分頭，四檔起步後如常採取主動，好快進佔包廂靚位，但步速實在太快，「銀太陽」推騎搶放，跟住「精算拍檔」上前搞搞震，兩位牌仔鬥放，以致頭兩段跑出 27.3、23.6，且看當晚另外兩場1650米賽事，「睡得好」一場為28.0、24.5，「奄尖大少」一場則是27.6、23.9，可見「包裝好友」嗰場步速快得幾緊要，方廐「旺國手」及「赤胆雄威」留前鬥後，結果成為步速受益者，反觀「包裝好友」全程跟前仍能保住三甲，實在唔簡單，周三晚再戰一哩，遇有利形勢可補中。

好玩神駒實力強

　　另於今季總場次15谷草四班1200米，「好玩神駒」初戴眼罩有心搏殺，卻排十二檔，雖然出閘頗快，之後推騎反應亦好，可惜仍蝕位甚多，因而直路上未能交出強勁衝刺，只跑第六輸三個半身位。

　　「好玩神駒」接戰總場次29再爭同程，五檔起步，形勢比之前一役好得多，但弊在出閘差勁，被迫守在偏後位置，轉直路彎還要兜出最外檔，以為會三甲不入，估不到入直路後嚴重內閃一樣衝刺如箭跑第三，再看頭二馬「千兩寶寶」和「瀟灑財星」，都係全程貼欄一步不蝕，更顯「好玩神駒」輸得唔抵，且「千兩寶寶」跑出1.09.7，是當晚四組1200米最快時間，以此衡量，此次夜賽仍於四班跑同程，係時候贏番場。

Sam