洪禮賢講馬：浚鋒天河 未驚過

魑魅魍魉

　　第六場三班1650米。「睡得好」一再於同程以靚時間大勝返嚟，初時以為上季尾開齋一役經已係能力之全部，點知跨季連勝之役一樣堅，締速快過同晚三班不在話下，暫時仲係季內同程第二快，僅次於二班「歡呼星」，頭馬水準有幾大指標性，完全表現晒出嚟，所以狂加13分未必要時間消化。講到尾，最緊要贏完冇放軟手腳，操練上冇問題，狀態喼得好；昨朝亦見練者睇完隻馬試跑，即刻走去機坪接馬（該時段幾匹近績好嘅馬出試，佢眼尾冇睇過），連動態都有埋，博佢贏多鋪 ok喎！

　　第七場三班1200米。「浚鋒天河」今季曾經缺過課（4/9 大閘後停了1周），唔知涉及咩原因，表面亦唔會睇到有幾大影響，因為操番已經成個月，埋門試跑亦唔覺因缺課而死氣沉沉，希望骨子裏也冇大不了； 計能力贏得「大進」、「六六精英」，就算重磅在三班都未驚過，ＱＴ膽應該勝任。