全德勝安國倫第１W

博彩老头

所謂初生之犢不畏虎，只得廿一歲嘅澳洲年輕好手安國倫，尋日只喺香港第二次出賽，即刻靠告廐馬「全德勝」先拔頭籌，攞到佢喺香港嘅第一W，兼且幫告達理一搔七年之癢，攞到馬房近七年嚟第一場泥地頭馬，可謂雙重意義。
       
告達理搔泥地七年之癢

講開告廐上鋪泥地勝仗已經係03年9月13日嘅「好順景」，等咗足足七年先有「全德勝」喺泥地建功，難怪大告賽後都特別開心。佢仲話自己上季尾喺英國已經認識安國倫，嗰時應承呢個澳洲小將，如果嚟香港一定支持佢，結果大告果然牙齒當金使，真係幫安國倫開齋。至於安國倫就話喺香港呢個世界級嘅競賽環境，第二次出賽就有馬贏，真係非常開心，佢話會繼續努力，爭取佳績。