喜盈門宜搗黃龍

猪拉多纳

剛周三全泥夜宴，鄭雨滇憑「好玩」及「萬能駒」一冷一熱起孖兼做騎師王，強勢連贏五日，手風正順。明日田草日賽阿滇又手握重兵，共替9駒執韁，其中上仗初出跑第二的「喜盈門」，今次再爭直路賽，憑騎者旺氣，可望直搗黃龍打開勝門。
       
「喜盈門」（近鏡）上仗初出小試牛刀即入Q，絕非泛泛之輩。

出爭第三場四班直路賽的「喜盈門」，剛戰初出同程，只以半馬位不敵「好歌」屈居亞軍，表現令人驚喜，鄭雨滇表示此駒質素不差，狀態亦逐漸提升，今次再跑直路賽可望有更佳發揮。他說：「『喜盈門』上仗初出走勢仍見稚嫩，雖然末段衝刺稍為不及『好歌』，但表現已算不俗。今戰與『好歌』及『魔幻大師』又再狹路相逢，負129磅對此匹3歲馬也構成一定壓力，惟質新馬不斷進步，復課走勢更勁，憑質態有力反先。」
       
鄭雨滇

第六場三班1800米，雖然有「一言為定」、「包裝選擇」等質新惡馬在陣，但7歲的「利好」有復甦迹象，鄭雨滇說：「『利好』評分已減至有利水平，在三班已具競爭力。上仗出爭較短的1600米，雖然遇上較慢步速不合發揮，沿途包尾，但在直路上卻交出強勁衝刺追回第五，今次增程跑1800米應更為合適，重戴眼罩亦有正面幫助。同場一眾質新馬如『一言為定』、『包裝選擇』等均實力相當，但『利好』畢竟有班底，若臨場步速適合，應有機會殺入前列。」
       
馬偉昌14日缺陣

另外，馬偉昌11月13日返南非參與一項私人活動，並於16日回港，因此將會缺席14日沙田賽事。
       
阿滇盼嘗一哥癮

6W、 2盃、1次騎師王，是鄭雨滇近五戰的成績，田草、谷草及泥地各佔2W，絕對是瓣瓣掂，手風之順傲視同儕，並以14W居於騎師榜第三位，只落後韋達及柏寶兩大紅人1W而已。韋達今期開始停賽3日，鄭雨滇勢必過頭，以近期旺勢，隨時過埋柏寶，坐正一嘗「一哥」癮。阿滇今次獲9匹坐騎，質量俱備，跟紅頂白，值得捧場。