高清睇跑馬：伽羅前途無限

博彩老头

　　第十場三班1600米，「伽羅」今季初出前試閘走勢對辦，不過跑姿尚嫌生硬，果然首戰1200米早段跟唔住，跑來欠缺速度，難得落後極多，又要全程走三叠，一樣追近有板有眼，且直路兩度被阻，先於入直路初收慢，移入內檔望空，接着二百米處前邊有「好在有你」頂住去路，抄出外檔搵位衝仍能追近得第五。

　　上仗增程1400米亦後上吸引，追入殿軍，睇番走規依然論論盡盡，起步慢閘已失機，之後沿途在內檔搶口，同鞍上人都爾人馬角力，最慘直路再次被阻，此戰去到最後二百米仍未望空，而且之後也不過在窄位衝刺，居然如此劣勢都追到第四，只不敵三匹超級馬，再次證明質素非等閒，前途無限，周日跑長200 米，其後勁可大派用場。

魔法幻影升勢持續

　　第七場公開賽2000米，「魔法幻影」上季表現平凡，直至季尾才在谷戰1800米贏番場，成績一般，但進度非預期，尤其晨課表現急躁，最明顯次次試閘大汗淋漓，僅得一W毋須介意，上季尾踏上正軌，今季升勢持續。

　　此駒九月廿四日試閘既冇汗濕，走勢亦相當不俗，之後出賽未有佳作，因為1400米路短熱身毋須介意，相隔兩周再出，改爭總場次110一班田草 1800米即有好表現，睇番直路片段，一直被「藍天」阻住跑線，甚至內外檔亦未有去路，因此過了二百米才可望空，加上頭馬「歡呼星」已一早發力彈甩，最終飲恨僅以馬頸位見負，絕對雖敗猶榮，周日角逐2000米有利追趕，有力補中。

Sam