楝悉先機：皇帝旨令變招掂

港陌

　　今日賽事3大騎師韋達、柏寶及白德民，手上強兵多籮籮，尤其係後兩者，俱有馬王級坐騎，仲要各有啲年青又有好近績嘅馬跟尾，睇嚟都係佢哋世界。而高雅志回防，會唔會咁反骨（純粹講笑），一返嚟就捧盃，好難講，但嗰場馬會短途錦標，肯定係今季其中1場令人期待嘅賽事。

　　第三場三班1600米。我唔會認為上場係磅重，拖累咗「皇帝旨令」，因比賽中唔只1次隻馬嘅情緒受到影響。好在輸完變招，寧願升上三班跑，睇得出大摩唔甘心兩場頭馬就收手。至於加程至1600米能否勝任，如果練者唔係有把握，根本唔使咁大膽，跑番同日1400米就得，有此一着，反覺信心不小。

威威多星唔簡單

　　第九場三班1200米。「威威多星」初出在此程得殿軍，能夠在末段狂追，收復甚多失地，絕不簡單，加上在其前面名次的「高風格」及「海王子」，近日相繼勝出，進一步顯示總場次93的認受性。只要之前退出的陰影消除，在今場應夠贏。

　　第十場二班1200米。「多多寶馬」的確係好馬，跨季跑4場，係初出跑得唔好之下得梗頸四，餘下3場非冠即亞。陣上表現既準，直接顯示到幕後鬥志有幾鮮明。今仗升到二班，論星味或不及%、(，但受讓甚多磅，點都會拉近同佢哋實力上嘅距離，而且其實大家未對戰過，質素唔一定比下去，可能鬥落「多多寶馬」仲叻啲。

　　
點買法

　　白德民及柏寶揸晒旗，好多場合係佢兩個啲馬惡晒，騎師王方面，我會捧佢哋場。而講到重心Q，尾場最穩陣，「多多寶馬」拖「讚賞」、「飛闖」，感覺上係神仙過鐵橋。而獨贏過關，除咗「多多寶馬」，可以用埋隻「皇帝旨令」嚟串射。

陳華棟